رومنسية اردنية.. من الاخر

اليوم في عندي قصة رومنسية عنجد و ابطالها (خلف/شفيقة)

استمتعوا

> الرومانسية الاردنية
> >
> >
> >
> > خلف بحكي على فجأة : ولك يا قردة شكلك ناسية انو مثل هاظ اليوم
> > قبل سنتين كان اول مرة بشوف سنحتك وبنحب بعض, يعدمني اياكي..... شو ناسية!!!!
> >
> > شفيقة: والله جد ولك بعدك متذكر يا مقلعط؟
> >
> > خلف : هووووه , هو الي بشوف هالشكل الي بقطع الرزقة بنساه؟
> >
> > شفيقة-هاهاههاهاهاهاها طز عليك شو حكياتك حلوين وهاظ الي معلقني فيك , تتذكر اول مرة تلقينا ؟
> >
> >خلف - هههههههه هو انا بنسى؟ ,, يوم ما حطتلك رجل وانتي ماشية مع امك وقلبتي على بوزك؟
> >
> > شفيقة- ولك الله يقطعك شو رومانسي , كيف هيك تجرأت واتخذت هاي الخطوة الجريئة؟
> > , جد انا بحب الشب المبادر والقلبو قوي
> > خلف- يالله عاد هسه بدك تكبري راسي وتظلك تمدحي فيي؟
> > ,, انتي كمان بزقتي علي يومها تتذكري؟
> > , والله ما بنسى بزقتك وهي بتتدلى على وجهي وبتنزل شوي شوي ,,
> > يومها عنجد عرفت انك بتحبيني ..[ندعوك للتسجيل في المنتدى أو التعريف بنفسك لمعاينة هذه الصورة]
> >شفيقة_ ...آه والله يا خلوفتي انا ما بزقت عليك الا لأني بحبك,
> >
> >
> >
> > , خلف-.يا قلبي انتي
> >
> > شفيقة-حياتي .
> >
> > خلف- طيب تتذكري يوم
> > ما اقترحت علي انو نتباطح والي ببطح الثاني 3 مرات هو الي بنام عالارض والفايز بنام عالتخت .
> >خلف - يالله يومها شو انبسطت , بس صحيت ثاني يوم مكسره عظامي من النومه عالارض .
> > شفيقة_ماهو يا خلف انا بطحتك 5 مرات .
> >
> >خلف - لا والله بس بطحتيني عالارض 4 مرات ,, آخر وحدة مش محسوبة.
> >
> >شفيقة - كيف مش محسوبة بطحتك المرة الخامسة لما دعست على رقبتك ناسي؟
> >
> > خلف-هو هووو علينا خلص مو مشكلة يا ستي بطحتيني خمس مرات ,,
> > هسه ما تظيعي علينا الاحتفال بهاي الليلة الي ما بتتعوض .
> > شفيقة- والله معك حق , خلص شو رأيك انا اليوم رح اخليها ليلة رومانسية بشكل ,,
> > خلف- شو رح تعملي؟
> > انت ما عليك بس حظّر الشمع واشعله وسكر الظواو وهسه باجي .
> >
> > وما ان اشتعل الشمع الا وخرجت شفيقة من المطبخ حاملة صحن كبييييييير مجدرة ,,
> > فإنغمرت عيون خلف بالدموع فرحا , حمد ربه ووعد شفيقة بأن يبقى مخلصا لها ..
> >
> > وبقيو على الطاولة يأكلون المجدرة لأخر الليل ,, ويقال انهم الى الان بياكل بالمجدرة

ما احلاهم
و طبعا المجدرة بيكون طعمها ازكى على ضوء الشموع (صح)

يا سلام على المجدرة والله يا خوف ما عندهم كهربا عشان هيك على ضو الشمع
بس في كلمة ما فهمتها شو يعني وبتنزل

بتنزل يعني نزلت على وجهه شوي شوي

اها يلا اتعلمت كلمة جديدة من معجم اللغة الاردنية
شكرا

» ابوعصام وبقعة ضوء من الاخر
» كلمات اغنية إلا الاسى من الاخر