أنـام مظلوم .. كلمات د. أديب بازهيـر
تنام عيوني مظلوم ولا أنـام ظالـم يا محلى عذابـي وحبيبي ظالمنـي
كان يوهمني بكلامه و حبـه دايـم حسبي الله أهـون عليه يخدعنـي
كنت أحبـه بجنـون والله العالـم كنت أخاصم عيني لو يخاصمنـي
بعت الدنيا وبعـت كل العـالـم كنت مابي أخسره ولا يخسرنـي
بس يا للأسف يفتخر انـه ظالـم أهون عليه يجرحني و لا يكلمنـي
ودي أروح أشتكيـه في المحاكـم بس وين أروح مافي من يرحمنـي
يا ليتني ماحبيته والله انـي نـادم ليته يوم كلمته مارد و لا سمعنـي
أسهر أنا من القهر و مـاني بنايـم حتى جفوني تقول تعـال ادفنـّي
ان نمت أحلم و من جرحي هايـم حتى الجراح ملّت ماتبي تحضنـّي
كلمات
د. أديب بازهير